Resei Federatsiiasynyń negizgi qarjy indeksteri seisenbi kúni máskeýlik birjanyń ashyq saýdasynda quldyrap ketti.
Sonymen, Mosbirja indeksi 10,4%-ǵa, 2436 pýnktke deiin, RTS indeksi 16%-ǵa, 1056 pýnktke deiin (2019 jyldyń qysynan beri eń azy) tómendedi, dep habarlaidy TASS.
Munai baǵasynyń rekordtyq quldyraýy Venada ótken OPEK + elderiniń munai óndirýdi qysqartý týraly sátsiz kelissózderinen keiin bastalyp, naryqtaǵy jaǵdai kúrt tómendedi.
9 naýryzda Londondaǵy ICE birjasynda saýda-sattyq kezinde Brent markaly munaidyń jetkizilimi fiýchersi 30%-dan astamǵa arzandap, barreline 31,02 dollarǵa deiin tústi. Seisenbide munai 8,3%-ǵa ósip, barreli 37,22 dollardy qurady.
Máskeýlik birjanyń málimetine sáikes, RF iri munai-gaz kompaniialarynyń («Rosneft», «Lýkoil», «Sýrgýtneftegaz», «Gazprom») qundy qaǵazdary 12-15%-ǵa, tutynýshylyq sektory («M.Video», «Magnit», X5 Retail Group) 28%-ǵa deiin tómendegen. Sondai-aq reseilik qarjy sektorynyń baǵa belgilenimi de túsip ketti. Sberbank shamamen 13%, VTB - 12% joǵaltty. Tehnologiialyq kompaniialardyń aktsiialary birjalyq indeksterden keiin quldyrady: Iandeks - 7%, Rostelekom - 9%, «Sistema» AFK - 12% tómendedi.
Energetikalyq kompaniialardyń qaǵazdary máskeý ýaqyty boiynsha 10:40-ta Mosbirjada shamamen 10%-ǵa tústi: «Rosseti» 7,2%-ǵa, TGK-1 - 9,5%-ǵa tómendedi. Saýda-sattyqta «jasyl aimaqta» Polymetal (+7,1%), «Poliýsa» (+3,5%), «Fosagro» (+2,9%), «Severstali» (+1,6%) qundy qaǵazdary júr.
Aita keter bolsaq, 9 naýryzda reseilik kompaniialardyń qundy qaǵazdary London jáne Niý-Iork qor birjalarynda quldyrady.
