Abaidyń 175 jyldyǵy aiasynda Reseidiń Novosibir, Omby, Barnaýl qalalarynda aqynǵa arnalǵan kórme ótpek, dep habarlaidy "Ult aqparat".
Jyl basynan beri Nur-Sultan, Pavlodar, Aqtóbe qalalarynda Abaidyń ómiri men shyǵarmashylyǵyna arnalǵan kórme ótkizilgen. Bul jaily «Jidebai-Bórili» memlekettik tarihi-mádeni jáne ádebi-memorialdyq qoryq-mýzeiiniń direktory Jandos Áýbákir málim etti.
«Aldaǵy ýaqytta Almaty, Atyraý, Qyzylorda, Taldyqorǵan jáne taǵy basqa birneshe shaharda, sonymen birge Reseidiń Novosibir, Omby, Barnaýl qalalarynda mýzei qorynan kórme uiymdastyrylatyn bolady. Semei qalasynda halyqaralyq ǵylymi-tájirbielik konferentsiia ótkizýdi josparlap otyrmyz. Sondai-aq Abaidyń tańdamaly shyǵarmalarynyń 4 tildegi jinaǵy (qazaq, orys, qytai, aǵylshyn), mýzei týraly albom-kitap, býkletter daiyndalmaq», - deidi ol.
Esterińizge sala ketsek, osyǵan deiin Abai mýzeii ekspozitsiiasyn jańǵyrtýǵa 250 mln teńge bólinetindigi habarlanǵan bolatyn.
