Azyq-túlikke júrgizilgen monitoringtik zertteýlerden keiin QR Aýyl sharýashylyǵy ministrligi birqatar óndirýshilerdiń ónimine qatysty ýaqytsha shekteýler qoidy, dep habarlaidy "Ult aqparat".
Atap aitqanda, «Stavropolskii broiler» JAQ óndirgen «Blagoiar» atty broiler balapany qanattarynyń satylymyna shekteý qoiylǵan. Munda mezofildi aerobty jáne qosymsha anaerobty mikroaǵzalardyń kólemi shekten tys kóp ekeni anyqtalǵan.
Sondai-aq, Reseidiń Saratov oblysynda ornalasqan «SPK «Kýrnikov» AAQ ónimderiniń árbir partiiasynan synama alyp, qatań zerthanalyq tekserýden ótkizip turý jóninde sheshim qabyldandy. Bul kásiporynnyń tartylǵan etin zerttegen kezde mezofildi aerobty jáne qosymsha anaerobty mikroaǵzalardyń mólsheri normadan kóp ekeni belgili boldy.
Munyń aldynda QR AShM veterinarlyq-sanitarlyq talaptarǵa sai bolmaǵany úshin mynadai kompaniialardyń ónimin kirgizýge ýaqytsha shekteý qoiǵan bolatyn: «FinInvest» AAQ - Cheliabi oblysy, «Mikoianovskii miasokombinat» JAQ - Máskeý qalasy, «Prioskole» JAQ - Belgorod oblysy, «Chebarkýlskaia ptitsa» AAQ - Cheliabi oblysy, «Brianskii broiler» AAQ - Briansk oblysy, «Magnitogorskii ptitsevodcheskii kompleks» AAQ, «Tokarevskaia ptitsefabrika» AAQ, «Altaiskii broiler» AAQ jáne «Raskovskii molzavod» kásiporny.
Aita ketý kerek, mezofildi aerobty jáne qosymsha anaerobty mikroaǵzalardyń mólsherden tym kóp bolýy atalmysh ónimdi buzatyn mikroaǵzalardyń kóbeiip jatqanynan habar beredi.
