Kórshi elderdiń azamattary mingen avtobýs Novosibirden Shymkentke bara jatqanda Pavlodar oblysynyń aýmaǵynda buzyldy, dep habarlaidy «QazAqparat» tilshisi.
«Tańerteńgi ondar shamasynda Pavlodar oblysy tótenshe jaǵdailar departamentine Aqsý qalasy aýmaǵynda, Qalqaman aýylynyń mańynda Novosibir-Shymkent reisiniń eki avtobýsynyń biri buzylǵany týraly habar keldi», - deidi Pavlodar oblystyq tótenshe jaǵdailar departamentindegiler.
Eki avtobýstyń salonynda 81 jolaýshy: Qyrǵyzstan jáne Tájikstan azamattary bolǵan. Jolaýshylar ekinshi avtobýsqa minip, ekeýi de jergilikti politsiia qyzmeti mashinasynyń baqylaýymen saǵat on birge qarai Pavlodarǵa jetip alǵan.
«Pavlodardaǵy №1 avtobýs parkinde jolaýshylarǵa kómek kórsetildi. Buzylǵan avtobýstyń aqaýy rettelip, eki avtobýs ta 16:00-de Shymkentke qarai jol tartty», - deidi TJD qyzmetkerleri.
