Semeige Resei Federatsiiasynan kelgen 19 jastaǵy stýdent qyzdan COVID-19 virýsy anyqtaldy. Bul týraly Úkimeti janyndaǵy Qazaqstanda koronavirýstyń taralýyna jol bermeý jónindegi vedostvoaralyq komissiianyń Telegram paraqshasynda jazyldy.
20 mamyrdaǵy málimet boiynsha Shyǵys Qazaqstan oblysynda koronavirýs infektsiiasyn juqtyrǵan 1 adam tirkeldi.
«Resei Federatsiiasymen shekaradaǵy «Aýyl» avtoótkelindegi sanitarlyq-karantindik beketten ótkende epidemiolog mamandar sensor termometrmen dene qyzýyn ólshep, saýalnama júrgizgende stýdent qyzdyń densaýlyǵyna shaǵymdanbaǵan. Algoritmge sáikes ekspress testileý teris nátije kórsetken. Avtoótkel mamandary 14 kún úi karantininde bolý qajettiligi týraly túsindirgen. Semei qalasyna kelgen soń úi karantinine alynyp, turǵylyqty jeri boiynsha dárigerlerdiń baqylaýynda boldy.
Meditsina qyzmetkerleri PTR ádisimen qaitadan tekserý maqsatynda biologiialyq material alyndy. Diagnostikalyq zertteý nátijesi boiynsha COVID-19 anyqtaldy», delingen habarlamada.
Qazirgi ýaqytta patsient juqpaly aýrýlar statsionaryna jatqyzyldy jáne tiisti em alyp jatyr.
Aita keterligi, oblysta koronavirýs juqtyrǵan 59 adam tirkelgen, onyń ishinde 28-i emdelip shyqqan.
