Semei qalasynyń turǵyny arzanǵa kólik almaqshy bolyp, alaiaqtyń arbaýyna ilikti, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, «102» jedel arnasyna qońyraý shalǵan 52 jastaǵy er adam beitanys bireýdiń ózin aldap soqqanyn aitqan. Belgili bolǵandai, alaiaq jábirlenýshige Resei Federatsiiasynan «Land Cruzer» avtokóligin naryqtaǵydan áldeqaida tómen baǵaǵa ákelip berýge ýáde etken. Buǵan sengen azamat oǵan 2 800 000 teńgesin bere salǵan.
«Jedel-izdestirý sharalaryn júrgizgen kriminaldyq politsiia qyzmetkerleri 38 jastaǵy qala turǵynyn qolǵa túsirdi. Kúdikti óz kinásin moiyndap otyr», - dep habarlady vedomstvo ókilderi.
Qazirgi ýaqytta atalǵan fakti boiynsha QR QK-niń 190-baby 3-bóligine sáikes sotqa deiingi tergeý amaldary júrgizilýde.
