Reseide Qazaqstan Elshiligi janyndaǵy №265 sailaý ýchaskesi jergilikti ýaqyt boiynsha saǵat 07.00-de ashyldy, dep habarlaidy "Ult aqparat".
Sailaý komissiiasynyń músheleri barlyq qajetti jaǵdailardyń, onyń ishinde sanitarlyq talaptardyń qamtamasyz etilgendigin eskere otyryp, ýchaskeniń daýys berýge daiyndyǵyn kórsetti. Daýys berý Qazaqstannyń Memlekettik Ánuranyn oryndaýdan bastaldy. Daýys berýge birinshi ret qatysqan jastar óz tańdaýyn alǵashqylardyń biri bolyp jasady.
Ýchaske tóraǵasy Erkin Tuqymov habarlaǵandai, Reseidegi Qazaqstan azamattary máskeýlik ýchaskeden basqa Sankt-Peterbýrg, Qazan, Astrahan jáne Ombydaǵy QR bas konsýldyqtarynyń janynan qurylǵan 4 ýchaskede daýys bere alady.
Resei Federatsiiasyndaǵy ýchaskelerde daýys berý jergilikti ýaqyt boiynsha saǵat 07:00-den 20:00-ge deiin ótedi. Sailaý ýchaskesine kelgen kezde ózimen birge Qazaqstan Respýblikasy azamatynyń tólqujaty nemese jeke kýáligi bolýy qajet.
Sailaý ýchaskesi jumysynyń basty máseleleriniń biri koronavirýsqa qarsy sharalar boldy.
