Resei qalalarynda mobilizatsiiaǵa qarsy aktsiialar kezinde myńnan astam adam ustaldy, - dep habarlaidy Tengrinews.kz.
Áleýmettik jelide taraǵan videolarda demonstranttar qoldaryna "Soǵysqa jol joq!" degen plakattar ustap, soǵysqa qarsy urandar aityp jatqany kórinedi.
Novosibirskidegi ortalyq alańǵa jinalǵandar ishinde politsiia qyzmetkerlerine: "Men Pýtin úshin de, sen úshin de ólmeimin!", - dep aiqailaǵan sherýshiler qamaýǵa alyndy.
"OVD-Info" quqyq qorǵaý jobasynyń málimetinshe, Máskeý ýaqyty boiynsha túngi saǵat 11:30 shamasynda Máskeý men Peterbýrgte ustalǵandar 1060 adamnan asqan.
Sársenbi kúni mobilizatsiiaǵa qarsy aktsiia men piketter Reseidiń 38 qalasynda (Cheliabinsk, Krasnoiarsk, Tver, Voronej, Krasnodar, Saratov, Kaliningrad, Petrozavodsk, Riazan. Irkýtsk jáne taǵy basqa) ótti. Sońǵy málimet boiynsha, 1300-den astam adam ustalǵan.
Ekaterinbýrgte aktsiiaǵa qatysýshylardyń birine "Bilik ókiline kúsh qoldaný" baby boiynsha qylmystyq is qozǵalǵan. Qalada 40-tan astam adam ustalǵan.
Daily Mail 20 qyrkúiekte Pýtinniń úndeýi jariialanǵannan keiin Google-dyń reseilik segmentinde Resei Federatsiiasynan qalai ketýge bolady degen suraýlar kóbeigeni aityldy. Al búgin Máskeý birjasy quldyrady, Reseiden ushatyn áýe biletteriniń baǵasy birneshe ese ósti.
