رەسەي قالالارىندا موبيليزاتسيياعا قارسى اكتسييالار كەزٸندە مىڭنان استام ادام ۇستالدى, - دەپ حابارلايدى Tengrinews.kz.
ەلەۋمەتتٸك جەلٸدە تاراعان ۆيدەولاردا دەمونسترانتتار قولدارىنا "سوعىسقا جول جوق!" دەگەن پلاكاتتار ۇستاپ, سوعىسقا قارسى ۇراندار ايتىپ جاتقانى كٶرٸنەدٸ.
نوۆوسيبيرسكٸدەگٸ ورتالىق الاڭعا جينالعاندار ٸشٸندە پوليتسييا قىزمەتكەرلەرٸنە: "مەن پۋتين ٷشٸن دە, سەن ٷشٸن دە ٶلمەيمٸن!", - دەپ ايقايلاعان شەرۋشٸلەر قاماۋعا الىندى.
"وۆد-ينفو" قۇقىق قورعاۋ جوباسىنىڭ مەلٸمەتٸنشە, مەسكەۋ ۋاقىتى بويىنشا تٷنگٸ ساعات 11:30 شاماسىندا مەسكەۋ مەن پەتەربۋرگتە ۇستالعاندار 1060 ادامنان اسقان.
سەرسەنبٸ كٷنٸ موبيليزاتسيياعا قارسى اكتسييا مەن پيكەتتەر رەسەيدٸڭ 38 قالاسىندا (چەليابينسك, كراسنويارسك, تۆەر, ۆورونەج, كراسنودار, ساراتوۆ, كالينينگراد, پەتروزاۆودسك, ريازان. يركۋتسك جەنە تاعى باسقا) ٶتتٸ. سوڭعى مەلٸمەت بويىنشا, 1300-دەن استام ادام ۇستالعان.
ەكاتەرينبۋرگتە اكتسيياعا قاتىسۋشىلاردىڭ بٸرٸنە "بيلٸك ٶكٸلٸنە كٷش قولدانۋ" بابى بويىنشا قىلمىستىق ٸس قوزعالعان. قالادا 40-تان استام ادام ۇستالعان.
Daily Mail 20 قىركٷيەكتە پۋتيننٸڭ ٷندەۋٸ جارييالانعاننان كەيٸن Google-دىڭ رەسەيلٸك سەگمەنتٸندە رەسەي فەدەراتسيياسىنان قالاي كەتۋگە بولادى دەگەن سۇراۋلار كٶبەيگەنٸ ايتىلدى. ال بٷگٸن مەسكەۋ بيرجاسى قۇلدىرادى, رەسەيدەن ۇشاتىن ەۋە بيلەتتەرٸنٸڭ باعاسى بٸرنەشە ەسە ٶستٸ.
