Reseide bokstan Sankt-Peterbýrg gýbernatorynyń kýbogynda qazaqstandyq Bekzat Nurdáýletov jartylai finalǵa joldama aldy, dep habarlaidy "Ult aqparat".
Ol 81 keli salmaqta ózbek boksshysy Dilshod Rýzmetovpen qolǵap túiistirdi. Tóreshiler biraýyzdan jeńisti Bekzatqa berdi. Osylaisha otandasymyz jarysty jalǵastyrý múmkindigine ie boldy.
Eki boksshy buǵan deiin de sheberlik baiqasqan bolatyn. Ekeýi 2019 jyly Reseidiń Ekaterinbýrg qalasynda álem chempionatynda sharshy alań tórinde taitalasqa tústi. Sol joly qazaqstandyq sportshy qarsylasyn 5:0 esebimen tize búktirip, álem chempiony ataǵyna qol jetkizdi.
Esterińizge sala ketelik, búgin qazaqstandyq taǵy eki boksshy jartylai finalǵa shyqty.
Aita keteiik, halyqaralyq týrnirde álemniń 15 elinen 100- ge tarta boksshy keldi. Qazaqstan atynan jarysqa 9 salmaqta 10 bylǵary qolǵap sheberi attandy. Olardyń arasynan 19 sáýirde Zakir Safiýllin 63 kelide qarsylasyna ese jiberip, jarystan shyǵyp qaldy.
