رەسەيدە بوكستان سانكت-پەتەربۋرگ گۋبەرناتورىنىڭ كۋبوگىندا قازاقستاندىق بەكزات نۇردەۋلەتوۆ جارتىلاي فينالعا جولداما الدى, دەپ حابارلايدى "ۇلت اقپارات".
ول 81 كەلٸ سالماقتا ٶزبەك بوكسشىسى ديلشود رۋزمەتوۆپەن قولعاپ تٷيٸستٸردٸ. تٶرەشٸلەر بٸراۋىزدان جەڭٸستٸ بەكزاتقا بەردٸ. وسىلايشا وتانداسىمىز جارىستى جالعاستىرۋ مٷمكٸندٸگٸنە يە بولدى.
ەكٸ بوكسشى بۇعان دەيٸن دە شەبەرلٸك بايقاسقان بولاتىن. ەكەۋٸ 2019 جىلى رەسەيدٸڭ ەكاتەرينبۋرگ قالاسىندا ەلەم چەمپيوناتىندا شارشى الاڭ تٶرٸندە تايتالاسقا تٷستٸ. سول جولى قازاقستاندىق سپورتشى قارسىلاسىن 5:0 ەسەبٸمەن تٸزە بٷكتٸرٸپ, ەلەم چەمپيونى اتاعىنا قول جەتكٸزدٸ.
ەستەرٸڭٸزگە سالا كەتەلٸك, بٷگٸن قازاقستاندىق تاعى ەكٸ بوكسشى جارتىلاي فينالعا شىقتى.
ايتا كەتەيٸك, حالىقارالىق تۋرنيردە ەلەمنٸڭ 15 ەلٸنەن 100- گە تارتا بوكسشى كەلدٸ. قازاقستان اتىنان جارىسقا 9 سالماقتا 10 بىلعارى قولعاپ شەبەرٸ اتتاندى. ولاردىڭ اراسىنان 19 سەۋٸردە زاكير سافيۋللين 63 كەلٸدە قارسىلاسىنا ەسە جٸبەرٸپ, جارىستان شىعىپ قالدى.
