Kórneki sýret: orinfo.ru
Ekibastuzda Reseide qyz zorlady degen kúdikpen 10 jyl memleketaralyq izdeýde júrgen 33 jastaǵy qazaqstandyq ustaldy, - dep habarlaidy Tengrinews.kz tilshisi.
Pavlodar oblystyq Politsiia departamenti málimetinshe, er adam 2012 jyly tamyzdan bastap izdeýde júrgen.
"Ustalǵan Qazaqstan azamaty Omby oblysynda zorlaý deregi úshin izdestirildi. Er adamǵa qatysty RF QK 131-baby boiynsha qylmystyq is qozǵaldy", - dedi Pavlodar oblysy Politsiia departamentiniń bastyǵy Vasilii Skliar.
Sonymen qatar, Pavlodarda politseiler 2002 jyly Qyrǵyzstandaǵy koloniiadan qashqan Jambyl oblysynyń týmasyn ustady. Er adam qandai qylmysy úshin sottalǵany naqtylanbady. Biraq ol jazasyn óteýden jaltarǵany úshin izdeýde bolǵan.
Aita keteiik, Pavlodar oblysynda "Izdestirý" memleketaralyq jedel-profilaktikalyq operatsiiasy jalǵasyp jatyr. Ol qylmyskerler men habar-osharsyz ketkenderdiń ornalasqan jerin anyqtaýǵa, ustaýǵa baǵyttalǵan.
"Pavlodarlyq jedel ýákilder 10 qylmyskerdi izdestirdi. Olardyń altaýy Resei aýmaǵynda qylmys jasaǵan. Úsh adam aýyr qylmys jasaǵany úshin, sonyń ishinde densaýlyqqa aýyr ziian keltirý jáne zorlaý deregi boiynsha izdeýde boldy", - dep atap ótti Skliar.
