Sýret: videodan kadr
Komi Respýblikasynda Vorkýta-Novorossiisk jolaýshylar poiyzy relsten shyǵyp, toǵyz vagony aýdarylyp qaldy. Saldarynan 70 jýyq adam jaraqat aldy, dep habarlaidy TASS basylymy.
Oqiǵa 26 maýsym kúni Máskeý ýaqytymen saǵat 18:12-de Inta-1 – Soltústik temir jolynyń Ýgolnyi ýchaskesinde boldy. Temirjol apaty saldarynan 70-ke jýyq adam zardap shekti, adam shyǵyny joq. Poiyzda 232 jolaýshy bolǵan.
Poiyz qozǵalysy ýaqytsha toqtady. Oqiǵa ornyna jedel qyzmetter men úsh tikushaq jiberildi. Barlyq sanitarlyq aviatsiia reanimatsiialyq brigadalar jumyldyryldy.
Komi basshysy Vladimir Ýiba tótenshe jaǵdai oryn alǵan jerge bardy. Mundai jaǵdai qaitalanbas úshin shtab qurylyp, jolaýshylarǵa kómek kórsetý sharalary júrgizilip jatyr.
Sondai-aq oqiǵa ornyna aparatatyn joldyń joqtyǵynan dárigerler jete almai álek.
"Aldyn ala boljam boiynsha, vagonnyń relsten shyǵyp ketýine jaýyn-shashynnyń saldarynan joldyń buzylýy sebep bolǵan. Tergeý komiteti qylmystyq is qozǵady", – delingen habarlamada.
Buǵan deiin Túrkistan oblysynda júk vagondary relsten shyǵyp ketkeni týraly jazǵan edik.
.jpg)