Reseidiń Saratov oblysynda Qazaqstan men Ózbekstan jolaýshylary mingen reistik avtobýs apatqa ushyrady, dep habarlaidy "Ult aqparat" QR IIM Tótenshe jaǵdailar komitetine silteme jasap.
«17 qarasha kúni RF Saratov oblysynyń Ozinskii aýdanyndaǵy temir jol ótpesinde "Saratov-Oral" reistik avtobýsy júk poiyzymen soqtyǵysty. Bastapqy málimet boiynsha, avtobýsta 7 jolaýshy bolǵan, olardyń ekeýi Qazaqstan azamattary bolsa, beseýi - ózbekstandyqtar», - dep habarlady QR IIM Tótenshe jaǵdailar komitetiniń resmi ókili Nursultan Nurahmetov.
Komitet ókiliniń habarlaýynsha, apattan barlyq jolaýshylar zardap shekken. Bes ózbekstandyq kóz jumdy, eki qazaqstandyq aýrýhanaǵa jatqyzyldy.
Eske sala ketsek, keshe keshke Qyzylorda oblysynyń Qarmaqshy aýdanynda eki avtobýs soqtyǵysyp, 2 adam qaza tapty. Qaitys bolǵandardyń biri 1964 jyly dúniege kelgen bolsa, ekinshisi 1997 jylǵy oblys turǵyny. Sondai-aq, 2011 jylǵy bala Qarmaqshy aýdandyq aýrýhanasynyń jansaqtaý bólimine jetkizilgenmen dárigerler onyń ómirin saqtap qala alǵan joq.
