رەسەيدٸڭ ساراتوۆ وبلىسىندا قازاقستان مەن ٶزبەكستان جولاۋشىلارى مٸنگەن رەيستٸك اۆتوبۋس اپاتقا ۇشىرادى, دەپ حابارلايدى "ۇلت اقپارات" قر ٸٸم تٶتەنشە جاعدايلار كوميتەتٸنە سٸلتەمە جاساپ.
«17 قاراشا كٷنٸ رف ساراتوۆ وبلىسىنىڭ وزينسكيي اۋدانىنداعى تەمٸر جول ٶتپەسٸندە "ساراتوۆ-ورال" رەيستٸك اۆتوبۋسى جٷك پويىزىمەن سوقتىعىستى. باستاپقى مەلٸمەت بويىنشا, اۆتوبۋستا 7 جولاۋشى بولعان, ولاردىڭ ەكەۋٸ قازاقستان ازاماتتارى بولسا, بەسەۋٸ - ٶزبەكستاندىقتار», - دەپ حابارلادى قر ٸٸم تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ.
كوميتەت ٶكٸلٸنٸڭ حابارلاۋىنشا, اپاتتان بارلىق جولاۋشىلار زارداپ شەككەن. بەس ٶزبەكستاندىق كٶز جۇمدى, ەكٸ قازاقستاندىق اۋرۋحاناعا جاتقىزىلدى.
ەسكە سالا كەتسەك, كەشە كەشكە قىزىلوردا وبلىسىنىڭ قارماقشى اۋدانىندا ەكٸ اۆتوبۋس سوقتىعىسىپ, 2 ادام قازا تاپتى. قايتىس بولعانداردىڭ بٸرٸ 1964 جىلى دٷنيەگە كەلگەن بولسا, ەكٸنشٸسٸ 1997 جىلعى وبلىس تۇرعىنى. سونداي-اق, 2011 جىلعى بالا قارماقشى اۋداندىق اۋرۋحاناسىنىڭ جانساقتاۋ بٶلٸمٸنە جەتكٸزٸلگەنمەن دەرٸگەرلەر ونىڭ ٶمٸرٸن ساقتاپ قالا العان جوق.
