Batys Qazaqstan oblysynda qylmystyq izdestirýge qoiylǵan 11 reseilik avtokólik tabyldy, dep habarlaidy QazAqparat.
BQO politsiia departamentiniń baspasóz qyzmeti málim etkendei, reseilik politseiler bergen derekter boiynsha Reseiden Qazaqstanǵa áketilgen 606 avtokóliktiń qylmystyq oqiǵalarǵa qatysy bar bolyp shyqty.
Sonyń 48-i Batys Qazaqstan oblysynda júr. Osyǵan bailanysty politsiia qyzmetkerleri mundai kólikterdi anyqtaý ústinde.
«Kúni búginge deiin tabylǵan 11 avtokóliktiń qaida júrgeni jáne ieleri týraly reseilik izdestirýshiler tarapyna málimet berildi. Atalǵan kólikter aiyp turaǵyna qoiyldy. Reseilik avtokólikti alar kezde satyp alýshylar QR IIM bazasy boiynsha tekserý úshin aldymen BQO politsiia departamentine habarlasýy kerek» dep habarlady vedomstvodan.
Departament málimetine qaraǵanda, biylǵy on ai ishinde óńirde 243 jol-kólik oqiǵasy saldarynan 84 adam qaza taýyp, 357-si túrli jaraqat aldy.
Sonyń ishinde sheteldik avtokólikterdiń qatysýymen 89 jol apaty bolyp, 32 adam kóz jumyp, 122-si jaraqat aldy.
