Reseide Aýyl sharýashylyǵyn qadaǵalaý vedomstvosynyń ǵalymdary ázirlegen koronavirýstyń jańa túrine qarsy janýarlarǵa arnalǵan álemdegi alǵashqy vaktsina tirkeldi. Bul týraly vedomstvo basshysynyń orynbasary Konstantin Savenkov málim etti, dep habarlaidy TASS.
«Reseidiń aýyl sharýashylyǵyn qadaǵalaý vedomstvosyna baǵynatyn Janýarlar densaýlyǵyn qorǵaý federaldy ortalyǵy ázirlegen, koronavirýs infektsiiasyna qarsy etqorekti janýarlarǵa arnalǵan «Karnivak-Kov» vaktsinasy Reseide tirkeldi. Bul COVID-19-ǵa qarsy janýarlarǵa arnalǵan álemdegi alǵashqy jáne qazirgi ýaqytta jalǵyz profilaktikalyq preparat», - dedi ol.
Ol ótken jyldyń qazan aiynda bastalǵan vaktsina it, mysyq, túlki, kúzen, jáne basqa da janýarlarda klinikalyq synaqtan óten.
«Zertteý nátijeleri vaktsinanyń ziiansyzdyǵy men onyń joǵary immýnogendik belsendiligi týraly qorytyndy jasaýǵa múmkindik beredi, óitkeni barlyq vaktsinalanǵan janýarlarda 100% jaǵdaida koronavirýsqa antidene paida boldy», - dep sendirdi ol.
Savenkovtyń aitýynsha, sonymen qatar vedomstvo ǵalymdary preparat engizilgennen keiin immýnitettiń qansha ýaqytqa damitynyn zertteýdi jalǵastyrýda. «Búgingi tańda bul kórsetkish kem degende alty aidy», - dedi ol.
