Memlekettik Dýmanyń "Dýma TV" arnasyn buǵattaǵannan keiin Youtube jumysy el aýmaǵynda toqtatylýy yqtimal.
Arna ákimshiligi habarlaǵandai, olar bul jaǵdaiǵa daiyn boldy, qazir basqa alańda jumys istep jatyr, dep habarlaidy Sputnik Qazaqstan.
"Roskomnadzor" RF Memlekettik dýmasynyń YouTube-arnasyn qaita qosýdy jáne ony buǵattaý sebepterin túsindirýdi talap etti.
Óz kezeginde, Federatsiia keńesiniń konstitýtsiialyq zańnama jónindegi komitetiniń tóraǵasy Andrei Klishas YouTube jaqyn ýaqytta Reseide zańsyz internet alańyna ainalýy múmkin ekenin aitty.
"YouTube bizdiń elde zańsyz alańǵa ainalýǵa senimdi túrde qadam jasap jatyr. YouTube osyndai tańdaý jasaǵany ókinishti", - dep jazdy Klishas óz Telegram-arnasynda.
RF syrtqy ister ministrliginiń resmi ókili Mariia Zaharova osy áreketi arqyly YouTube ózine-ózi úkim shyǵarǵanyn atap ótti.
"YouTube ózine úkim shyǵardy. Kontentti saqtap, reseilik platformalarǵa kóshirińizder. Muny jyldamyraq jasańyzdar", - dep jazdy Zaharova Telegram-arnasynda.
Eske salsaq, naýryzda Youtube HH ǵasyrdaǵy tele jáne radiobaǵdarlamalar muraǵaty saqtaýly Reseidiń Memlekettik teleradioqorynyń arnasyn buǵattap, artynsha qaita qosty. Al Reseide qazirgi ýaqytta tanymal eki áleýmettik jeli - Instagram men Facebook jumysyna tyiym salynǵan.
