Ónerkásip jáne qurylys ministri Qanat Sharlapaev úkimettegi baspasóz konferentsiiasynda Reseidegi ýtil alymnyń qymbattaýy qazaqstandyq naryqqa qaldai áser etetini jaily aitty, dep habarlaidy "Ult aqparat" Azattyq Rýhy saityna silteme jasap.
«Qazir bizde baǵany qymbattatý degen másele turǵan joq. Meniń oiymsha, áser etpeidi. Bizdiń kórshiler ýtil alymǵa qatysty qabyldap jatqan sheshimderin aitqym keledi. Olar ony alyp tastamaq túgili, qunyn kóterip jatyr. Qyrǵyzstan da ýtil alymdy engizeiin dep jatyr. Bul jerde Qazaqstan ýtil alym baǵasy boiynsha kórshi elderdiń bárinen artta qalyp qoidy dep aitýǵa bolady», - deidi ol.
Ministr Reseide ýtil alym baǵasynyń qymbattaýy eldegi eski kólikterdiń «turyp qalýyna» áser etýi múmkin deidi.
«Olar joldarda kúrdeli jaǵdai týdyrady. Ózge elder eski kólikterdiń elge kiriýinen bas tartyp jatyr. Al bizge odan saqtanýdyń qajeti joq», - deidi ministr.
