Reseidiń Irkýtsk aimaǵynda túrmede bolǵan búlikten 300-den astam tutqyn jaraqattanǵan, búlikke túrme saqshysynyń tutqyndy uryp-soǵýy túrtki boldy degen aqparat shyqty.
Adam quqyǵyn qorǵaý boiynsha úkimettik emes uiym belsendileriniń habarlaýynsha, 9 sáýir keshke qarai búlikti basý úshin Angarsk qalasyndaǵy N15 koloniiaǵa arnaiy jasaq ókilderi ákelingen.
Federaldyq qylmystyq jazany atqarý qyzmetiniń resmi ókiliniń aitýynsha, Irkýtsk oblysyndaǵy tutqyndardyń biri saqshyǵa shabýyl jasaǵannan keiin búlik bastalǵan. Resmi ókil 11 sáýir kúni tańerteń jaǵdaidyń baqylaýda ekenin aitty.
Áleýmettik jelide jariialanǵan videolarda túrme ǵimaratynyń janyp jatqany kórinedi, videoda tutqyndar ózderin "óltirip jatqanyn" aitady. Quqyq qorǵaýshylardyń túrmege kirýine tyiym salynǵan.
Irkýtsk oblysynyń tergeý komiteti qylmystyq is qozǵaǵan. Túrmede shamamen 1300 tutqyn bar.
