Reseidiń Ekaterinbýrg qalasynda turǵyn úide bolǵan órtten segiz adam qaza boldy. Olardyń arasynda bir bala bar. Bul týraly óńirdiń Tergeý komitetiniń Tergeý basqarmasynan málim etti, dep habarlaidy "Ult aqparat" TASS agenttigine silteme jasap.
«12 qańtarda quqyq qorǵaý organdaryna Ekaterinbýrg qalasyndaǵy Rassvetnaia kóshesinde ornalasqan 9 qabatty turǵyn úide órt bolyp jatqany týraly habar kelip túsken. Qolda bar aqparat boiynsha órt saldarynan 8 adam mert boldy, onyń ishinde 1 bala bar», - delingen vedomstvo málimetinde.
Kutqarýshylar úiden 90 adamdy, onyń ishinde toǵyz balany evakýatsiialaǵan. 1 jáne 2-dárejeli kúiik alǵan 17 jastaǵy jasóspirim aýrýhanaǵa jatqyzyldy Qaitys bolǵan bala – 2013 jyly týǵan qyz.
«Barlyǵy 90 adam (onyń toǵyzy- bala) evakýatsiialandy. Olardyń 52-si tynys alý apparaty maskalarynyń kómegimen qutqaryldy. Aiaz bolandyqtan evakýatsiialanǵan turǵyndar órt sóndirý kólikterine ornalastyryldy», - delingen aqparatta.
Órt aýmaǵy 30 sharshy metrdi quraǵan.
«Órt sóndirýshiler órttiń páterden tys taralýyna jol bermedi. Máskeý ýaqytymen saǵat 01:50-de órttiń taralýy toqtatylyp, saǵat 02: 06-da tolyǵymen sóndirildi. Oǵan toǵyz arnaiy tehnika, jeke quramnan 30 adam jumyldyryldy. Órt ornynda jedel shtab quryldy, onda Sverdlov oblysy boiynsha Resei TJM Bas basqarmasynyń bastyǵy, ishki qyzmet general-maiory Viktor Teriaev bar», - dep atap ótti vedomstvoda.
