Gamaleia atyndaǵy ortalyq jasaǵan koronavirýsqa qarsy murynǵa tamyzatyn vaktsina klinikalyq zertteýler men tirkeýden ótkennen keiin azamattardy qaita vaktsinalaý kezinde qoldanylady. Bul týraly beisenbi kúni Reseidiń Densaýlyq saqtaý ministrliginiń baspasóz qyzmeti jýrnalisterge málim etti, dep habarlaidy QazAqparat TASS agenttigine silteme jasap.
«Synaqtar aiaqtalyp, tirkeý kýáligi alynǵannan keiin preparat azamattardy qaita vaktsinalaýda qoldanylady», - delingen habarlamada.
2021 jyldyń qazanynda Resei Federatsiiasynyń Densaýlyq saqtaý ministrligi Gamaleia atyndaǵy ortalyqqa koronavirýsqa qarsy murynǵa tamyzatyn vaktsinanyń klinikalyq zertteýleriniń ekinshi fazasyn ótkizýge ruqsat bergen.
Budan buryn Ortalyq basshysy Aleksandr Gintsbýrg atalǵan vaktsinanyń kádimgi vaktsinany egýden bosatpaitynyn, onyń tek infektsiiamen kúres jolyndaǵy taǵy bir qosymshaǵa ainalatynyn aityp ótken.
Ǵalymnyń sózinshe, murynǵa tamyzatyn vaktsina jutqynshaq pen muryn qýysynyń qosylǵan jerinde jergilikti immýnitet qalyptastyryp, virýsty aǵzaǵa kirgizbeýge kómektesetin qosymsha shara bolmaq.
