گامالەيا اتىنداعى ورتالىق جاساعان كوروناۆيرۋسقا قارسى مۇرىنعا تامىزاتىن ۆاكتسينا كلينيكالىق زەرتتەۋلەر مەن تٸركەۋدەن ٶتكەننەن كەيٸن ازاماتتاردى قايتا ۆاكتسينالاۋ كەزٸندە قولدانىلادى. بۇل تۋرالى بەيسەنبٸ كٷنٸ رەسەيدٸڭ دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸ جۋرناليستەرگە مەلٸم ەتتٸ, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
«سىناقتار اياقتالىپ, تٸركەۋ كۋەلٸگٸ الىنعاننان كەيٸن پرەپارات ازاماتتاردى قايتا ۆاكتسينالاۋدا قولدانىلادى», - دەلٸنگەن حابارلامادا.
2021 جىلدىڭ قازانىندا رەسەي فەدەراتسيياسىنىڭ دەنساۋلىق ساقتاۋ مينيسترلٸگٸ گامالەيا اتىنداعى ورتالىققا كوروناۆيرۋسقا قارسى مۇرىنعا تامىزاتىن ۆاكتسينانىڭ كلينيكالىق زەرتتەۋلەرٸنٸڭ ەكٸنشٸ فازاسىن ٶتكٸزۋگە رۇقسات بەرگەن.
بۇدان بۇرىن ورتالىق باسشىسى الەكساندر گينتسبۋرگ اتالعان ۆاكتسينانىڭ كەدٸمگٸ ۆاكتسينانى ەگۋدەن بوساتپايتىنىن, ونىڭ تەك ينفەكتسييامەن كٷرەس جولىنداعى تاعى بٸر قوسىمشاعا اينالاتىنىن ايتىپ ٶتكەن.
عالىمنىڭ سٶزٸنشە, مۇرىنعا تامىزاتىن ۆاكتسينا جۇتقىنشاق پەن مۇرىن قۋىسىنىڭ قوسىلعان جەرٸندە جەرگٸلٸكتٸ يممۋنيتەت قالىپتاستىرىپ, ۆيرۋستى اعزاعا كٸرگٸزبەۋگە كٶمەكتەسەتٸن قوسىمشا شارا بولماق.
