- Reseidiń Vladimir oblysynda jańa týǵan balaǵa RF Qorǵanys ministriniń qurmetine Shoigý esimi berildi, dep jazady RIA Novosti.
Balanyń tolyq esimi - Shoigý Hýrmedovich Djýraev.
Buǵan deiin osy áýlette Rasýl esimdi balanyń atyn Pýtin dep ózgertken bolatyn. Jańa týǵan Shoigý men kishkene Pýtin ekeýi nemere aǵaiyndy bolyp keledi.
Jergilikti basylymdardyń habarlaýynsha, balalarǵa esimdi atasy - Rahmon Djýraev tańdaǵan. Aqsaqaldyń aitýynsha, áýlet onyń atyn Shoigý dep qoiý týraly sheshimdi sábi dúniege kelmes buryn qabyldap qoiǵan eken.
Djýraevtar áýleti Vladimir oblysy Aleksandrov aýdany Legkovo aýylynda turady. Olar Tájikstannan kóship kelgen jáne Resei azamattyǵyn alǵan.
