Foto: skrinshot
QR Mádeniet jáne aqparat ministrligi men Ulttyq kino ortalyǵynyń qoldaýymen túsirilgen «Shatyrdaǵy ekeý» filmi Hanty-Mansiĭskide ótken XXIII Halyqaralyq debiýttik kinofilmder festivalinde «Dýsha Rossii. Mirovoe kino» nominatsiiasy boiynsha jeńiske jetti, dep habarlaidy Ult.kz.
«Dýh ognia» – debiýttik filmderge arnalǵan Reseidiń jetekshi festivalderiniń biri. Festival – jas rejisserler úshin mańyzdy alań. Biyl festivalde 14 eldiń jańa filmderi kórsetildi. Olardyń qatarynda Malaiziia, Qytai, Ońtústik Koreia, Japoniia, Tailand, Iran, Úndistan, Singapýr jáne basqa da elder bar.
«Shatyrdaǵy ekeý» filmi – rejisser Gúlshat Smaǵulovanyń debiýttik filmi. Onda adamnyń óz ornyn tabýy, mahabbat pen meiirim sekildi mańyzdy taqyryptar qozǵalady. Týyndy kezdeisoq kezdesýler adam taǵdyryna qalai áser etetinin baiandaidy.
«Roskongress» Qorynyń júldesi filmde mádeni, tarihi qundylyqtar kórsetilip, olardyń máni tolyq ashylǵany úshin tabystalyp otyr.
