Koronavirýsqa qarsy «Spýtnik V» vaktsinasynyń alǵashqy partiiasy azamattyq ainalymǵa shyǵaryldy.
Densaýlyq saqtaý ministrligi baspasóz qyzmetiniń aitýynsha, dári-dármekti jaqyn arada Resei óńirlerine jetkizý kózdelip otyr, dep habarlaidy reseilik TASS agenttigi.
«Jańa koronavirýstyq infektsiianyń aldyn alýǵa arnalǵan vaktsinanyń alǵashqy partiiasy – «Gam-Kovid-Vak» (Spýtnik V) qajetti sapa synaqtarynan ótip, azamattyq ainalymǵa shyǵaryldy», – delingen habarlamada.
Synaqtar Reseidiń Densaýlyq saqtaýdy qadaǵalaý qyzmetiniń zerthanalarynda júrgizilgen.
Vaktsinany Gamaleia atyndaǵy ulttyq epidemiologiia jáne mikrobiologiia ǵylymi-zertteý ortalyǵy jasaǵan.
Buǵan deiin Densaýlyq saqtaý ministrliginiń basshysy Mihail Mýrashko: «Bul kezeńdegi azamattyq ainalym – táýekel tobyndaǵy turǵyndardy, atap aitqanda, muǵalimder men dárigerlerdi vaktsinalaý. Ol tirkeýden keiingi klinikalyq zertteýlermen qatar júrgiziledi», – dep túsindirgen bolatyn.
