Resei Prezidenti Vladimir Pýtin elde 21,5 mln turǵynnyń koronavirýsqa qarsy vaktsina saldyrǵanyn jetkizdi.
Onyń pikirinshe, bul - óte jaqsy nátije. Bul týraly Resei basshysy dúisenbi kúni jýrnalister tarapynan qoiylǵan saýalǵa orai bergen jaýabynda aitty, dep habarlaidy "Ult aqparat" Reseidiń TASS agentttigine silteme jasap.
Resei basshysy azamattardy jedeldetip, koronavirýsqa qarsy vaktsina qabyldaýǵa shaqyrdy.
Sonymen qatar Vladimir Pýtin virýs juqtyrǵan jaǵdaida onyń simptomdary biline bastaǵanda-aq dárigerge qaralýǵa keńes berdi.
Resei prezidenti sonymen qatar óńir basshylaryna testileý men vaktsinatsiia qarqynyn saqtaý qajettigin eske saldy.
Atalǵandarmen qosa mamandar daiyndaǵan erejeler men sarapshylardyń keńseterin nazardan tys qaldyrýǵa bolmaitynyn eskertti.
«Maska rejimi men mamandardyń ózge de talaptaryn oryndaý kerek. Sonda ǵana biz jetistikke jete alamyz», - dedi Pýtin.
Pandemiia bastalǵaly Reseide koronavirýspen kúres jónindegi jedel shtabtyń málimetteri boiynsha, 4 888 727 adam KVI juqtyryp, 4 502 906 adam aýrýdan jazylǵan, 113 647 adam qaitys boldy.
