Reseide koronavirýs juqtyrǵandar sany táýlik ishinde 14 494 adamǵa artty, bul rette táýlik kórsetkishi 17-nen beri alǵash ret 15 myń adamnan az boldy. Virýs juqtyrǵandardyń jalpy sany 4 012 710 adamǵa jetti. Bul týraly TASS agenttigi habarlady.
Álem boiynsha koronavirýs juqtyrǵan adamdardyń eń kóp tirkelgen elderdiń arasynda Amerika Qurama shtattary (27,2 mln jýyq), Úndistan (10,9 mln jýyq) jáne Braziliia (shamamen 9,6 mln adam). Resei eli bul tizimde tórtinshi orynda tur.
Aldaǵy ýaqytta Ulybritaniiada da bul kórsetkish 4 mln adamnan asýy ábden múmkin.
Reseidiń koronavirýsqa qarsy kúres júrgizý jónindegi jedel shtabtyń málimetterinshe, aýrý juqtyrý boiynsha jańa oqiǵalar sanynyń ósimi 0,36 paiyzdy qurap otyr.
Ósimniń táýlik ishindegi eń az qarqyny Tyva Respýblikasynda, Nenets AA, Hakasiia, Magadan oblysy (0,1 paiyzdan), Iamal-Nenetsk AA, Hanty-Mansiisk AA, Evrei AA, Amýr oblysy, Altai Respýblikasy, Ingýshetiia jáne Sheshenstan respýblikasynda (0,2 paiyzdan) tirkelgen.
Atap ótkende, táýlik ishinde Sankt-Peterbor qalasynda – 1169 adam, Nijegorod oblysynda – 456 adam, Voronej oblysynda – 362 adam, Rostov oblysynda – 349 adam jáne Samara oblysynda 302 adam aýrý juqtyrǵan.
Qazirgi kezde Reseide 418 115 adam em qabyldap jatyr.
Elde aýrý juqtyrý deńgeii tómendep keledi: sońǵy jeti kúnniń ishinde Reseide táýlik ishinde árbir 100 myń adamnyń ishinde 10,9 oqiǵa tirkelgen, bul qazan aiynyń sońǵy onkúndigindegi kórsetkishterge sáikes kelip tur.
Koronavirýstan jazylǵan reseilikter sany táýlik ishinde 22 575 adamǵa kóbeigen. Jalpy alǵanda, elde 3 516 461 adam saýyǵyp shyqty.
Ótken táýlikte Reseide virýstan kóz jumǵandar sany 536 adam (buǵan deiingi táýlikte – 530 adam). El boiynsha aýyr dertten 78 134 patsient qaitys boldy.
