Reseide bir táýlikte 23 610 adam koronavirýs juqtyrdy. Bul - pandemiia bastalǵaly tirkelgen eń joǵary kórsetkish. Koronavirýsqa qarsy kúres jedel shtabynyń beisenbi kúni jýrnalisterge jasaǵan málimdemesine sensek, jalpy infektsiiaǵa shaldyqqandar sany 2 015 608 adamǵa jetti, dep habarlaidy TASS agenttigi.
Shtab deregi boiynsha, ósim 1,2%-dy qurady.
Onyń ishinde Máskeýde bir táýlik ishinde 6 438 turǵyn (bir kún buryn 4 174 edi) koronavirýsqa shaldyqqan. Jalpy astanada 533 068 adam virýs juqtyrdy.
Qazirgi ýaqytta em alyp jatqan naýqastar sany Reseide úshinshi kún qatarynan azaiyp jatyr. Qazir elde 454 102 adam nemese virýs juqtyrǵandardyń 22,5%-y syrqattanyp jatyr.
Koronavirýstan aiyǵyp, aýrýhanadan shyǵarylǵan turǵyndar sany táýligine 25 573-ke kóbeidi, bul da - pandemiia bastalǵaly tirkelgen eń joǵary kórsetkish.
Jalpy 1 526 656 adam saýyǵyp shyqqan.
Eki kúnde jazylyp shyqqandar sany jańadan virýs juqtyrǵandar sanynan kóp. Shtab málimeti boiynsha, jazylǵandar jalpy infektsiiaǵa shaldyqqandardyń 75,7%-yn quraidy.
Reseide bir táýlikte koronavirýstan 463 adam qaitys boldy. Bir kún buryn bul kórsetkish 456 bolǵan.
Jalpy 34 850 adam infektsiia juqtyryp, ómirden ótti.
Ólimniń shartty kórsetkishi shtab málimeti boiynsha, 1,73% shamasynda qaldy (naqty san epidemiia bitkennen keiin ǵana belgili bolady).
