رەسەيدە بٸر تەۋلٸكتە 23 610 ادام كوروناۆيرۋس جۇقتىردى. بۇل - پاندەمييا باستالعالى تٸركەلگەن ەڭ جوعارى كٶرسەتكٸش. كوروناۆيرۋسقا قارسى كٷرەس جەدەل شتابىنىڭ بەيسەنبٸ كٷنٸ جۋرناليستەرگە جاساعان مەلٸمدەمەسٸنە سەنسەك, جالپى ينفەكتسيياعا شالدىققاندار سانى 2 015 608 ادامعا جەتتٸ, دەپ حابارلايدى تاسس اگەنتتٸگٸ.
شتاب دەرەگٸ بويىنشا, ٶسٸم 1,2%-دى قۇرادى.
ونىڭ ٸشٸندە مەسكەۋدە بٸر تەۋلٸك ٸشٸندە 6 438 تۇرعىن (بٸر كٷن بۇرىن 4 174 ەدٸ) كوروناۆيرۋسقا شالدىققان. جالپى استانادا 533 068 ادام ۆيرۋس جۇقتىردى.
قازٸرگٸ ۋاقىتتا ەم الىپ جاتقان ناۋقاستار سانى رەسەيدە ٷشٸنشٸ كٷن قاتارىنان ازايىپ جاتىر. قازٸر ەلدە 454 102 ادام نەمەسە ۆيرۋس جۇقتىرعانداردىڭ 22,5%-ى سىرقاتتانىپ جاتىر.
كوروناۆيرۋستان ايىعىپ, اۋرۋحانادان شىعارىلعان تۇرعىندار سانى تەۋلٸگٸنە 25 573-كە كٶبەيدٸ, بۇل دا - پاندەمييا باستالعالى تٸركەلگەن ەڭ جوعارى كٶرسەتكٸش.
جالپى 1 526 656 ادام ساۋىعىپ شىققان.
ەكٸ كٷندە جازىلىپ شىققاندار سانى جاڭادان ۆيرۋس جۇقتىرعاندار سانىنان كٶپ. شتاب مەلٸمەتٸ بويىنشا, جازىلعاندار جالپى ينفەكتسيياعا شالدىققانداردىڭ 75,7%-ىن قۇرايدى.
رەسەيدە بٸر تەۋلٸكتە كوروناۆيرۋستان 463 ادام قايتىس بولدى. بٸر كٷن بۇرىن بۇل كٶرسەتكٸش 456 بولعان.
جالپى 34 850 ادام ينفەكتسييا جۇقتىرىپ, ٶمٸردەن ٶتتٸ.
ٶلٸمنٸڭ شارتتى كٶرسەتكٸشٸ شتاب مەلٸمەتٸ بويىنشا, 1,73% شاماسىندا قالدى (ناقتى سان ەپيدەمييا بٸتكەننەن كەيٸن عانا بەلگٸلٸ بولادى).
