Reseide jańa koronavirýs juqtyrǵandar sany keshe 1 459 jaǵdaiǵa ósti. Eldiń 81 óńirinde virýs juqtyrǵandardyq jalpy sany 10 131 adamǵa jetti, dep habarlaidy "Ult aqparat" TASS agenttigine silteme jasap.
Koronavirýspen kúres jónindegi jedel shtabtyń habarlaýynsha, qazirgi ýaqytta elde 698 adam saýyǵyp, aýrýhanadan shyǵarylsa, 76 adam kóz jumǵan.
«Búgingi kúni Reseide koronavirýs infektsiiasynyń 10 131 jaǵdaiy (+ 16,8%) 81 óńirden jinaqtalǵan túrde tirkeldi. Ótken táýlikte 118 adam saýyǵyp, aýrýhanadan shyǵaryldy. Osy ýaqytqa deiin Reseide 698 adam emdelip shyqty. Táýligine koronavirýstan 13 naýqas qaitys bolǵan. Reseidiń barlyq aýmaǵy boiynsha 76 adam kóz jumǵan» delingen shtabtyń habarlamasynda.
