Resei Federatsiiasynyń Prezidenti Vladimir Pýtin koronavirýs infektsiiasynyń taralýyna bailanysty RF konstitýtsiiasyna túzetýler boiynsha daýys berýdi keiinirek dataǵa aýystyrdy, dep habarlaidy "Ult aqparat".
«Aldyn ala datasy 22 sáýirge belgilengen Konstitýtsiiaǵa túzetýler boiynsha jalpyreseilik daýys berýdi uiymdastyrý boiynsha máselelerdiń týyndaityndyǵy sózsiz. Ózderińizde bul máselege qanshalyqty baiyppen qaraityndyǵymdy jaqsy bilesizder. Árine, elimiz úshin, qoǵamymyz úshin túgeili ári basty osynaý máselege qatysty ózderińizdiń pikirlerlerińizdi kelip bildirýdi suraityn bolady. Degenmen, buǵan deiin aitqanymdai, biz úshin adamdardyń densaýlyǵy, ómiri men qaýipsizdigi sózsiz basymdyq sanalady. Sondyqtan da daýys berýdi barynsha keiinirek dataǵa aýystyrý qajet dep sanaimyn. Óńirlerdegi, jalpy eldegi ahýaldyń qalai damityndyǵyn baǵalaimyz jáne dárigerlerdiń mamandardyń kásibi pikirleri men usynystaryna arqa súiei otyryp, daýys berýdiń jańa kúni jaiynda sheshim qabyldaimyz», - dedi V.Pýtin Resei halqyna arnaǵan teleúndeýinde.
