2021 jyly Resei halqy jarty millionnan astam adamǵa azaiǵan jáne koronavirýs halyq sanynyń azaiýynyń negizgi sebebi retinde ataldy. Biyl qańtarda Resei halqynyń sany 145, 5 mln adam boldy, bul bir jyl burynǵy kórsetkishtken shamamen 700 myń adamǵa kem. Mundai málimetti 28 qańtarda Rosstat agenttigi jariialady.
Vitse-premer Tatiana Golikovanyń aitýynsha, halyq sanynyń azaiýynyń basty sebebi – koronavirýs.
Keiingi kúnderi Reseide koronavirýs kórsetkishi buryn-sońdy bolmaǵan rekordtyq kórsetkishke jetken.
Omikronǵa bailanysty AQSh-ta da adam ólimi kóbeigen. Munda kúnine ortasha eseppen 2200 adam virýstan qaitys bolady. Bul "delta tolqyny" kezinde tirkelgen kórsetkishten áldeqaida joǵary.
Densaýlyq saqtaý salasynyń mamandary omikron kóp jaǵdaida aýrýdy asqyndyrmasa da, is júzinde virýstyń tez juǵýy naýqastar men virýstan kóz jumǵandar sanyn arttyryp otyr deidi.
Ulybritaniianyń densaýlyq saqtaý agenttiginiń habarlaýynsha, sarapshylar zerttegen omikron shtamy virýstyń túpnusqasyna qaraǵanda jyldam taralady. Omikronnyń jýyrda anyqtalǵan BA.2 shtamyn aǵylshyn ǵalymdary zerttep jatyr.
