Sankt-Peterbýrg qalasynda Qazaqstan ishki ister ministrliginiń ardageri qaza boldy degen aqparatqa qatysty RF tergeý komiteti túsinikteme berdi, - dep habarlaidy Sputnik Qazaqstan.
Reseilik buqaralyq aqparat quraldarynda keshe, 21 qańtar kúni saǵat tórtter shamasynda podpolkovnikti óz úiiniń janynda jasóspirimder soqqyǵa jyǵyp, óltirdi degen aqparat tarady. Shuǵyl aýrýhanaǵa jetkizilgen 62 jastaǵy ardager bir saǵattan keiin kóz jumǵan.
RF tergeý komitetiniń Sankt-Peterbýrg boiynsha basqarmasy osy oqiǵaǵa qatysty resmi habarlama jariialady. Oǵan sáikes, tergeýge deiingi tekseris bastaldy. Aldyn ala málimet boiynsha er adam jazataiym oqiǵa kezinde qatty jaraqat aldy. Ol óz páterine kirip bara jatqanda shalqasynan qulaǵan.
"Oqiǵa ornynda tekseris júrgizildi. Kýágerlerden jaýap alynyp jatyr. Sot-meditsinalyq saraptama ótkiziledi. Tergeý qyzmetinde oqýshylardyń er adamdy óltirgeni týraly aqparat joq. Al olardyń qamalǵany týraly aqparat shyndyqqa janaspaidy. Tergeýge deiingi tekseristiń nátijesi boiynsha protsessýaldy sheshim qabyldanady", - dep habarlady tergeý komiteti.
"Jýrnalistik zertteý" agenttiginiń málimetine sáikes, Viacheslav Jeksenov Qazaqstannyń ishki ister ministrligi tótenshe jaǵdailar komitetinde jumys istegen. Podpolkovnik sheninde zeinetke shyqty.
2014 jyly Jeksenov Sankt-Peterbýrg qalasyna kóship, kásipkerlerge keńes berý boiynsha shaǵyn biznes ashqan.
