Reseidiń Mýrmansk oblysynda qar kóshkini júrdi. 15 adamnan turatyn týristik top qar astynda qalǵan bolýy múmkin, dep habarlaidy TASS agenttigi.
Olenegorsk aýdanynyń basshysy Oleg Samarskiidiń aitýynsha, osy aýdanda qar kóshkini bolǵan.
«Ol jerde 15 adam bolýy múmkin. Olardyń qai soqpaqpen jolǵa shyqqany belgisiz. Oqiǵa ornynda qutqarýshylar jumys istep jatyr» dedi ol.
Aimaq tergeý komitetiniń málimetine sensek, qar kóshkini júrgen jerde kámelet jasyna tolmaǵan balalar bolýy yqtimal.
«Mýrmansk oblysynyń tergeý basqarmasyna Imandra stansasy mańyndaǵy jabdyqtalmaǵan marshrýtta týristik top qar kóshkininiń astynda qalǵany jaily habar kelip tústi. Aldyn ala málimet boiynsha, oqiǵadan zardap shekken adamdar bar. Oqiǵa ornyna kriminalister men tergeýshi attandy. Qar astynda qalǵandar arasynda kámelet jasyna tolmaǵan balalar bolýy múmkin» delingen habarlamada.
