Reseide bir kúnde 5966 adamnan koronavirýs tabyldy. Bul týraly shuǵyl shtabqa silteme jasaǵan Azattyqtyń Orys qyzmeti habarlady. 66 adam qaitys bolǵan, olardyń 41-i - Máskeýden. Resei astanasynda bir kúnde 2612 naýqas anyqtalǵan. Máskeý oblysynda - 605, Sankt-Peterbýrgte 215 adamǵa virýs juqqan.
Elde barlyǵy 74 500-den astam adamnan koronavirýs tabylǵan. 6250 adam jazylǵan. 681 adam qaitys bolǵan. Koronavirýs juqqandardyń basym bóligi aýrýhanaǵa jatqyzylǵan.
"Rospotrebnadzor" dereginshe, 2,7 mln adam testen ótken.
Álemde virýs juqtyrǵandar 3 millioǵa jýyqtady. 195 myńnan astam adam qaitys boldy. 781 myńnan astam naýqas jazyldy. AQSh bárinen alda tur. Ol jaqta 890 myń adamnan koronavirýs tabylǵan, 51 myńnan astam adam qaitys bolǵan. Ekinshi orynda turǵan Ispaniiada 219 myńnan astam naýqas bar. 22 myń adam ólimi bolǵan. Úshinshi orynda turǵan Italiiada koronavirýs juqqan 192 myń adam anyqtalǵan. 25 myń adam qaitys bolǵan.
