رەسەيدە بٸر كٷندە 5966 ادامنان كوروناۆيرۋس تابىلدى. بۇل تۋرالى شۇعىل شتابقا سٸلتەمە جاساعان ازاتتىقتىڭ ورىس قىزمەتٸ حابارلادى. 66 ادام قايتىس بولعان, ولاردىڭ 41-ٸ - مەسكەۋدەن. رەسەي استاناسىندا بٸر كٷندە 2612 ناۋقاس انىقتالعان. مەسكەۋ وبلىسىندا - 605, سانكت-پەتەربۋرگتە 215 ادامعا ۆيرۋس جۇققان.
ەلدە بارلىعى 74 500-دەن استام ادامنان كوروناۆيرۋس تابىلعان. 6250 ادام جازىلعان. 681 ادام قايتىس بولعان. كوروناۆيرۋس جۇققانداردىڭ باسىم بٶلٸگٸ اۋرۋحاناعا جاتقىزىلعان.
"روسپوترەبنادزور" دەرەگٸنشە, 2,7 ملن ادام تەستەن ٶتكەن.
ەلەمدە ۆيرۋس جۇقتىرعاندار 3 ميلليوعا جۋىقتادى. 195 مىڭنان استام ادام قايتىس بولدى. 781 مىڭنان استام ناۋقاس جازىلدى. اقش بەرٸنەن الدا تۇر. ول جاقتا 890 مىڭ ادامنان كوروناۆيرۋس تابىلعان, 51 مىڭنان استام ادام قايتىس بولعان. ەكٸنشٸ ورىندا تۇرعان يسپانييادا 219 مىڭنان استام ناۋقاس بار. 22 مىڭ ادام ٶلٸمٸ بولعان. ٷشٸنشٸ ورىندا تۇرعان يتالييادا كوروناۆيرۋس جۇققان 192 مىڭ ادام انىقتالعان. 25 مىڭ ادام قايتىس بولعان.
