Reseide (anneksiialanǵan Qyrymdy qosqanda) bir kúnde 19 768 adamnan koronavirýs infektsiiasy anyqtaldy. Bul - indet bastalǵaly beri bir kún ishinde tirkelgen eń joǵary kórsetkish. Koronavirýs juqtyrǵandardyń jalpy sany 1 mln 700 myńǵa taiap keledi.
Koronavirýspen kúres jónindegi jedel shtab málimetinshe, seisenbi kúni koronavirýstan 389 adam qaitys bolǵan. Bul da indet bastalǵaly beri 24 saǵat ishinde tirkelgen rekordtyq kórsetkish. Sońǵy ret 29 qazanda 366 adam Covid-ten qaitys bolǵan.
Indet bastalǵaly beri koronavirýstan qaitys bolǵandar 29 217 adam boldy.
Seisenbi kúni Máskeýde - 5 826, Sankt-Peterbýrgte - 1 031, Máskeý oblysynda - 569, Nijegorod oblysynda – 417, Arhangelsk oblysynda – 389, Rostov oblysynda 309 naýqas anyqtalǵan. Shtab málimetinshe, aýrý ósimi 1,2 paiyzǵa ósken. Ótken táýlikte 15 567 adam jazylǵan.
Táýlik ishinde ósim qarqyny tómen bolǵan aýdandar tizimine Tatarstan Respýblikasy men Daǵystan Respýblikasy (0,5 paiyzdan), Máskeý oblysy, Chývash Respýblikasy (0,6 paiyzdan), Hanty-Mansiisk avtonomdy ólkesi, Sheshenstan Respýblikasy, Sverdlov oblysy jáne Marii El Respýblikasy (0,7 paiyzdan) kirdi.
Qazirgi kezde elde 397 306 adam em qabyldap jatyr.
Aýrýdan aiyqqan adamdardyń sany táýlik ishinde 15 567-ge ósken, bul – pandemiia bastalǵaly eń úlken kórsetkish. Infektsiiadan barlyǵy 1 266 931 adam jazylyp shyqty.
Ótken aptada álemde 3 mln 300 myń adamnan koronavirýs tabyldy. Dúniejúzilik densaýlyq saqtaý uiymynyń aptalyq biýlletenindegi aqparat boiynsha, epidemiia bastalǵaly beri bir aptada osynsha joǵary kórsetkish tirkelmegen.
Sońǵy ýaqytta AQSh, Úndistan, Frantsiiada naýqastar kúrt kóbeigen. Reseide bir apta ishinde 120 myń adamnan koronavirýs tabyldy.
Sońǵy aptada Covid tabylǵandardyń jartysy Eýropada turady.
DDSU málimetinshe, álemde koronavirýs juqtyrǵandar 46 million adam boldy. Djons Hopkins ýniversitetiniń málimetinshe, bul kórsetkish 47 millionǵa taiap keledi. Álemde indet bastalǵaly beri 1 mln 213 myń adam qaitys bolǵan.
