"Reseide biliktiń «Edinaia Rossiia» partiiasy senbi kúni Memlekettik dýma tóraǵasy qyzmetine Viacheslav Volodinniń kandidatýrasyn bekitti. Premer-ministr Dmitrii Medvedev vitse-spikerlikke depýtat Irina Iarovaia men jýrnalist Petr Tolstoidy usyndy", - dep habarlaidy Ult.kz tilshisi Azattyqqa silteme jasap.
Juma kúni sońǵy sailaýda parlamentke ótken partiia ókilderimen kezdesýde prezident Vladimir Pýtin jetinshi shaqyrylymdaǵy Dýma tóraǵasy etip Volodindi sailaýdy usynǵan bolatyn. Ol palata spikeri týraly sheshimdi depýtattardyń ózderi qabyldaýy tiis ekenin aitqan.
2011 jyly jeltoqsanda Resei prezidenti ákimshiliginiń basshysynyń birinshi orynbasary bolyp taǵaiyndalǵan Viacheslav Volodin Kremldiń ishki saiasat jónindegi kýratory bolǵan. Ol 2014 jylǵy «Valdai klýby» otyrysynda «Pýtinsiz búgin Resei de joq» degen sózimen jurt nazaryna ilingen edi.
18 qyrkúiekte ótken Memlekettik dýma depýtattary sailaýynyń resmi nátijesi boiynsha, «Edinaia Rossiia» partiiasy parlamenttegi 450 orynnyń 343-in alyp, saiasi basymdyqqa ie boldy. Sonymen birge bilikke adal ózge úsh partiia da parlamentke qaita ótken. Parlamentke ótý úshin qajetti bes paiyzdyq mejeni eńsere almaǵan oppozitsiia sailaý qorytyndysyn moiyndamaitynyn málimdegen.
