"رەسەيدە بيلٸكتٸڭ «ەدينايا روسسييا» پارتيياسى سەنبٸ كٷنٸ مەملەكەتتٸك دۋما تٶراعاسى قىزمەتٸنە ۆياچەسلاۆ ۆولوديننٸڭ كانديداتۋراسىن بەكٸتتٸ. پرەمەر-مينيستر دميتريي مەدۆەدەۆ ۆيتسە-سپيكەرلٸككە دەپۋتات يرينا ياروۆايا مەن جۋرناليست پەتر تولستويدى ۇسىندى", - دەپ حابارلايدى ۇلت.كز تٸلشٸسٸ ازاتتىققا سٸلتەمە جاساپ.
جۇما كٷنٸ سوڭعى سايلاۋدا پارلامەنتكە ٶتكەن پارتييا ٶكٸلدەرٸمەن كەزدەسۋدە پرەزيدەنت ۆلاديمير پۋتين جەتٸنشٸ شاقىرىلىمداعى دۋما تٶراعاسى ەتٸپ ۆولوديندٸ سايلاۋدى ۇسىنعان بولاتىن. ول پالاتا سپيكەرٸ تۋرالى شەشٸمدٸ دەپۋتاتتاردىڭ ٶزدەرٸ قابىلداۋى تيٸس ەكەنٸن ايتقان.
2011 جىلى جەلتوقساندا رەسەي پرەزيدەنتٸ ەكٸمشٸلٸگٸنٸڭ باسشىسىنىڭ بٸرٸنشٸ ورىنباسارى بولىپ تاعايىندالعان ۆياچەسلاۆ ۆولودين كرەملدٸڭ ٸشكٸ ساياسات جٶنٸندەگٸ كۋراتورى بولعان. ول 2014 جىلعى «ۆالداي كلۋبى» وتىرىسىندا «پۋتينسٸز بٷگٸن رەسەي دە جوق» دەگەن سٶزٸمەن جۇرت نازارىنا ٸلٸنگەن ەدٸ.
18 قىركٷيەكتە ٶتكەن مەملەكەتتٸك دۋما دەپۋتاتتارى سايلاۋىنىڭ رەسمي نەتيجەسٸ بويىنشا, «ەدينايا روسسييا» پارتيياسى پارلامەنتتەگٸ 450 ورىننىڭ 343-ٸن الىپ, ساياسي باسىمدىققا يە بولدى. سونىمەن بٸرگە بيلٸككە ادال ٶزگە ٷش پارتييا دا پارلامەنتكە قايتا ٶتكەن. پارلامەنتكە ٶتۋ ٷشٸن قاجەتتٸ بەس پايىزدىق مەجەنٸ ەڭسەرە الماعان وپپوزيتسييا سايلاۋ قورىتىندىسىن مويىندامايتىنىن مەلٸمدەگەن.
