Foto: instagram.com/belgorod.city
Reseidiń Belgorod qalasyndaǵy munai bazasynda órt shyqty. Oqiǵa ornynda tótenshe jaǵdailar qyzmeti jumys istep jatyr, - dep habarlaidy Tengrinews.kz tilshisi.
Bul týraly Belgorod gýbernatory Viacheslav Gladkov málimdedi. Saiasatker áýe soqqysyna Ýkraina qarýly kúshterin aiyptady.
"Munai bazasynda Ýkraina qarýly kúshteri eki tikushaǵynyń áýe soqqysy nátijesinde órt shyqty. Olar Resei aýmaǵyna tómen biiktikte kirgen. Zardap shekkender joq", - dep jazdy gýbernator Telegram-arnasynda.
"Tótenshe jaǵdailar ministrligi órtti tez arada aýyzdyqtaýǵa tyrysyp jatyr. Oqiǵa ornyna barlyq tótenshe jaǵdailar qyzmeti attandy, 170-ten astam adam jáne 50 tehnika jumyldyryldy. Órtti joiý sharalary júrgizilip jatyr. Turǵyndarǵa qaýip joq", - dep jazdy ol.
