Reseidiń Cheliabinsk oblysy Zlatoýst qalasynda Jazany oryndaý federaldyq qyzmetiniń arnaiy jasaq ókilderi jergilikti №21 mektep oqýshylaryna túrmedegi ereýildi basyp, qylmyskerlerdi qalai urý kerektigin kórsetti.
Arnaiy jasaq ókilderi uiymdastyrǵan "shoýdy" joǵary synyptarmen qatar orta, bastaýysh synyp oqýshylary da kórdi. Qoldaryna qalqan jáne rezeńke taiaq ustaǵan arnaiy jasaq ókilderi sportzalda bir qatarǵa tizilip turdy. Komandir "Taiaqty kóterip, uryńdar" jáne "Taiaqty tómen túsirip, uryńdar" dep komanda bergen kezde olar buiryqty buljytpai oryndap otyrdy.
Jergilikti BAQ-tyń habarlaýynsha, oǵan №25 túzeý mekemesiniń jyldam jaýap berý toby qatysqan. Cheliabinsk oblysynyń Jazany oryndaý federaldyq qyzmeti shoýdyń "keremet" bolǵanyn aityp, bul sharanyń "jastardy patriottyq tárbieleý" baǵdarlamasy aiasynda ótkenin jetkizdi.
Zlatoýst qalasynyń bilim berý basqarmasynyń aitýynsha, qalada túrme men tergeý izoliatory bolǵandyqtan mektep oqýshylaryna mundai shoý alǵash ret kórsetilip otyrǵan joq.
Buǵan deiin Tatarstanda Novotroitsk aýylynda Rosgvardiia jasaqtary toǵyzynshy synyp oqýshylarynyń qatysýymen mitingini basý boiynsha jattyǵý ótkizgen. Jattyǵý kezinde oqýshylar narazylardyń rólin oinaǵan.
