Izdeý jumystary barysynda reseilik qutqarýshylar Máskeý mańynda apatqa ushyraǵan An-148 ushaǵynyń «qara jáshigin» tapty. Bul týraly Máskeý oblystyq TJM basqarmasynyń basshysy Sergei Poletykin habarlady, dep jazady QazAqparat TASS agenttigine silteme jasap.
«Izdeý jumystary júrip jatqan 18 sektordan qara jáshik tabyldy. Qazir mamandar aqparattar saqtalǵan jabdyqty anyqtap, identifikatsiialyq jumystar júrgizýde», - dedi ol.
S.Poletykinniń aitýynsha, ushaq qirandylarynyń shashyraý shekarasyn naqtylaý jáne zertteý úshin toǵyz arnaiy ushatyn apparat qoldanylýda. «Izdeý jumystary júrip jatqan jer 29 sektorǵa bólingen, onyń árqaisysyna bir-bir aǵa qyzmetker taǵaiyndalǵan. Ushaq qirandylaryn jinaityn arnaiy alań daiyndaldy. Qazir negizgi kúsh máiitter men ushaq qaldyqtaryn jinap alýǵa baǵyttalǵan», - dedi ol.
