Reseide koronavirýs juqqan 2300-den astam naýqastyń jaǵdaiy aýyr, 1300-den astamy jasandy tynys alý apparatyna qosylǵan. Bul týraly 22 sáýirde densaýlyq saqtaý ministri Mihail Mýrashko habarlady. Resei biligi alǵash ret jaǵdaiy aýyr naýqastardyń sany týraly aityp otyr.
Ministrdiń sózine qaraǵanda, COVID-19 aýrýyna shaldyqqan 45 myńnan astam adam statsionarda emdelip jatyr. Olardyń 2 myńnan astamy - bala.
Reseide shamamen 58 myńnan astam adamnan koronavirýs tabylǵan. Koronavirýs juqqandardyń basym bóligi aýrýhanaǵa jatqyzylǵan. Úide shamamen 8 myń adam emdelip jatyr. Naýqastardyń 40 paiyzynda aýrý belgileri baiqalmaidy.
Mysaly, Italiiada 108 myńnan astam adamnan koronavirýs tabylǵan, 80 paiyzǵa jýyǵy úige oqshaýlanǵan, 27 paiyzy ǵana aýrýhanaǵa jatqyzylǵan. Chehiiada 5 myńnan astam adamnan koronavirýs tabylsa, tek 400-i ǵana aýrýhanaǵa jatqyzylǵan.
Mýrashkonyń aitýynsha, Reseide koronavirýs infektsiiasynan qaitys bolǵan adamdar sany jalpy naýqastar sanynyń 1 paiyzyna jetpeidi, bul álem boiynsha eń tómengi kórsetkish.
Sońǵy málimet boiynsha, Reseide 513 adam koronavirýstan qaitys bolǵan.
