رەسەيدە كوروناۆيرۋس جۇققان 2300-دەن استام ناۋقاستىڭ جاعدايى اۋىر, 1300-دەن استامى جاساندى تىنىس الۋ اپپاراتىنا قوسىلعان. بۇل تۋرالى 22 سەۋٸردە دەنساۋلىق ساقتاۋ مينيسترٸ ميحايل مۋراشكو حابارلادى. رەسەي بيلٸگٸ العاش رەت جاعدايى اۋىر ناۋقاستاردىڭ سانى تۋرالى ايتىپ وتىر.
مينيستردٸڭ سٶزٸنە قاراعاندا, COVID-19 اۋرۋىنا شالدىققان 45 مىڭنان استام ادام ستاتسيوناردا ەمدەلٸپ جاتىر. ولاردىڭ 2 مىڭنان استامى - بالا.
رەسەيدە شامامەن 58 مىڭنان استام ادامنان كوروناۆيرۋس تابىلعان. كوروناۆيرۋس جۇققانداردىڭ باسىم بٶلٸگٸ اۋرۋحاناعا جاتقىزىلعان. ٷيدە شامامەن 8 مىڭ ادام ەمدەلٸپ جاتىر. ناۋقاستاردىڭ 40 پايىزىندا اۋرۋ بەلگٸلەرٸ بايقالمايدى.
مىسالى, يتالييادا 108 مىڭنان استام ادامنان كوروناۆيرۋس تابىلعان, 80 پايىزعا جۋىعى ٷيگە وقشاۋلانعان, 27 پايىزى عانا اۋرۋحاناعا جاتقىزىلعان. چەحييادا 5 مىڭنان استام ادامنان كوروناۆيرۋس تابىلسا, تەك 400-ٸ عانا اۋرۋحاناعا جاتقىزىلعان.
مۋراشكونىڭ ايتۋىنشا, رەسەيدە كوروناۆيرۋس ينفەكتسيياسىنان قايتىس بولعان ادامدار سانى جالپى ناۋقاستار سانىنىڭ 1 پايىزىنا جەتپەيدٸ, بۇل ەلەم بويىنشا ەڭ تٶمەنگٸ كٶرسەتكٸش.
سوڭعى مەلٸمەت بويىنشا, رەسەيدە 513 ادام كوروناۆيرۋستان قايتىس بولعان.
