Sýret: Vladimir Zelenskiidiń TG kanalynan
Kievtegi balalar aýrýhanasy zymyran soqqysyna ushyrady. Ýkrainalyq BAQ-tyń habarlaýynsha, zardap shekkender bar, dep habarlaidy "Ult aqparat".
Tańerteń Kievte áýe shabýylyna qarsy qorǵanys bastaldy, dep habarlady aimaqtyq ákimshiliktiń ókili.
Qalaǵa zymyran soqqysynan 11 adam zardap shekti, onyń segizi aýrýhanaǵa jatqyzyldy, dep habarlady Kiev meri Vitalii Klichko. Áskeri ákimshiliktiń aldyn-ala málimetteri boiynsha jeti adam qaza tapty.
Atys saldarynan turǵyn úiler, keńse ǵimarattary jáne balalar aýrýhanasynyń ǵimarattarynyń biri zaqymdandy. Patsientter qalanyń basqa meditsinalyq mekemelerine evakýatsiialanady.
Ýkraina Prezidenti Keńsesiniń keńesshisi Andrei Ermak azamattyq infraqurylymdy atqylaý saldarynan Krivoi Rogta kóp adam zardap shekken.
"Reseilik terrorister Ýkrainaǵa taǵy da jappai shabýyl jasady. Olardyń qatarynda: Kiev, Dnepr, Krivoi Rog, Slaviansk, Kramatorsk. Ár túrli tiptegi 40-tan astam zymyran. Turǵyn úiler, infraqurylym jáne balalar aýrýhanasy búlingen", - dedi Vladimir Zelenskii Telegram-da.
Qazirgi ýaqytta eriktiler men aýrýhana qyzmetkerleri mekeme aýmaǵyndaǵy qoqystardy tazartýda.
.jpg)