- Resei vitse-premeri Dmitrii Rogozin Qiyr Shyǵystan jańa reseilik ailaq qurylysy máseleleri boiynsha arnaiy komissiia otyrysynda Baiqońyrdyń damý jospary jaily áńgimeledi, dep habarlaidy QazAqparat tilshisi «Rossiiskaia gazetaǵa» silteme jasap.
Málim bolǵanyndai, QR Prezidenti Nursultan Nazarbaevtyń Resei Federatsiiasyna jumys sapary aiasynda Peterbýrgte Baiqońyr ailaǵynyń aldaǵy damý Tujyrymdamasyna qol qoiyldy.
«Biz alǵash ret qazaqstandyq áriptestermen birlese jumys isteitin jobalar jaily kelisimge keldik. Bul Qazaqstan Respýblikasynyń «Zenit» zymyran ushyrý keshenin damytý úshin salyp otyrǵan qarjysy men «Roskosmostyń» jańa tehnologiialyq qurylǵylary negizinde jasalǵan «Báiterek» jobasy», - dedi vitse-premer.
«Sonymen birge, Qiyr Shyǵysta boi kóteretin Shyǵys ekinshi ǵarysh ailaǵy salynǵan soń Resei men Qazaqstannyń Baiqońyrdy tastamaityny, ony damyta túsetini joǵary deńgeide rastaldy», - dedi D.Rogozin.
