- رەسەي ۆيتسە-پرەمەرٸ دميتريي روگوزين قيىر شىعىستان جاڭا رەسەيلٸك ايلاق قۇرىلىسى مەسەلەلەرٸ بويىنشا ارنايى كوميسسييا وتىرىسىندا بايقوڭىردىڭ دامۋ جوسپارى جايلى ەڭگٸمەلەدٸ, دەپ حابارلايدى قازاقپارات تٸلشٸسٸ «روسسييسكايا گازەتاعا» سٸلتەمە جاساپ.
مەلٸم بولعانىنداي, قر پرەزيدەنتٸ نۇرسۇلتان نازارباەۆتىڭ رەسەي فەدەراتسيياسىنا جۇمىس ساپارى اياسىندا پەتەربۋرگتە بايقوڭىر ايلاعىنىڭ الداعى دامۋ تۇجىرىمداماسىنا قول قويىلدى.
«بٸز العاش رەت قازاقستاندىق ەرٸپتەستەرمەن بٸرلەسە جۇمىس ٸستەيتٸن جوبالار جايلى كەلٸسٸمگە كەلدٸك. بۇل قازاقستان رەسپۋبليكاسىنىڭ «زەنيت» زىمىران ۇشىرۋ كەشەنٸن دامىتۋ ٷشٸن سالىپ وتىرعان قارجىسى مەن «روسكوسموستىڭ» جاڭا تەحنولوگييالىق قۇرىلعىلارى نەگٸزٸندە جاسالعان «بەيتەرەك» جوباسى», - دەدٸ ۆيتسە-پرەمەر.
«سونىمەن بٸرگە, قيىر شىعىستا بوي كٶتەرەتٸن شىعىس ەكٸنشٸ عارىش ايلاعى سالىنعان سوڭ رەسەي مەن قازاقستاننىڭ بايقوڭىردى تاستامايتىنى, ونى دامىتا تٷسەتٸنٸ جوعارى دەڭگەيدە راستالدى», - دەدٸ د.روگوزين.
