AQSh qorǵanys ministrligi Resei iadrolyq qarýdy synaqtan ótkizýi múmkin dep qaýiptenedi. "Máskeý iadrolyq qýaty az qarýdy synap kórýi múmkin" dep 29 mamyrda Pentagonnyń barlaý basqarmasynyń basshysy Robert Eshli málimdedi. Bul týraly Azattyq jazdy.
Vashington Resei iadrolyq synaqqa múldem tyiym salatyn "qujat talaptaryn oryndamai otyr ma" dep kúdiktenedi. Robert Eshlidiń sózinshe, synaqqa moratorii jariialanǵanyna qaramastan, Reseidiń iadrolyq qýaty az qarýdy synap kórýge tehnikalyq múmkindigi bar.
BUU-ǵa múshe elder iadrolyq qarýdy synaqtan ótkizbeýge 1996 jyly ýaǵdalasqan. Sodan beri kelisimge 185 memleket qol qoidy. Biraq uiymǵa múshe segiz el qujatty áli ratifikatsiialamaǵandyqtan kelisim kúshine enbegen. Segiz eldiń qatarynda AQSh, Qytai, Iran bar. Resei kelisimdi 2000 jyly ratifikatsiialaǵan.
