Resei men Ýkraina delegatsiialarynyń ekinshi kelissózi Brest oblysynyń aýmaǵynda ótedi. Bul týraly RF prezidentiniń kómekshisi, reseilik delegatsiianyń basshysy Vladimir Medinskii aitty, dep habarlaidy QazAqparat TASS agenttigine silteme jasap.
Medinskiidiń sózine qaraǵanda, kelissózder josparlanǵan jerde, Belarýstiń Brest oblysy aýmaǵynda Nur-Sultan ýaqytymen saǵat 18:00-de bastalmaq.
«Tańerteń kelissózderdiń ótetin jeri men ýaqytynyń aýysqany týraly aqparat tarady. Ol shyndyqqa janaspaidy», - dedi ol.
Eske salsaq, buǵan deiin eki el arasynda kelissózdiń birinshi kezeńi ótti. Ýkraina prezidenti Vladimir Zelenskii Kievtiń Máskeýmen ótken kelissózder ázirge nátijesiz ekenin habarlady.
